Ngelmu pring - Lagu Keren Jogja Hip-hop Foundation

Pring Ndeling, tegese kendhel lan eling, kendhel mergo eling, timbang nggrundel nganti suwing,
Pring kuwi suket, Dhuwur tur jejeg; Rejeki seret, Rasah do bunek.
Pring Ori, Urip iku mati; Kabeh sing urip mesti bakale mati,
Pring Apus, Urip iku lampus; Dadi wong urip ojo seneng apus-apus,
Pring Petung, Urip iku suwung; Senajan suwung nanging ojo bingung,
Pring Wuluh, Urip iku tuwuh; Ojo mung embuh ethok-ethok ora weruh.
Pring Cendani, Urip iku wani; Wani ngadepi aja mlayu merga wedi,
Pring Kuning, Urip iku eling; Wajib padha eling, Eling marang sing peparing


Ora bakal bubrah marga iso melur…
Kena dinggo mikul, ning aja ketungkul
Urip kuwi abot, ja digawe abot…
Akeh repot, sak trek ora amot
Mulane uripmu aja dha kaku….
Melura, pasraha, ra sah dha nesu
Aja mangu-mangu ning terus mlaku…
Sanajan ro ngguyu aja lali wektu
Kowe bakal bisa urip rekasa….
Ning kudu percaya uga sregep ndonga
Gusti paringana, luwih pangapura…
Marang kawula ingkang kathah lepat lan dosa



Aja nggresula, aja wedi
Dudu kowe, ning Gusti sing mesti luwih ngerti….
Ngatur urip lan mati,
Nyukupi rejeki,
Paring tentreming ati,
Cukup sandang pangan papan,
Bakal mukti pakarti….